بسم الله الرحمن الرحيم
اول موضوع ليا ع المدونه ويارب يكون فاتحة خيرر
الفكره في بالي من زمان بس كنت احتاج افرغ نفسي لها
والحمدلله جا الوقت المناسب
نخش دغري في الموضوع
قبل أسبوع تقريبا وانا في جده رحت مطعم بلو اوشن في اكواريوم فقيه
تحمست جدا للروحه خصوصا انو كان فترة اختبارات
وعارفه اني لو مارحتو الان بروحو في الاجازه وانلطع ثلاث اربع ساعات
فعلطول شلت العبايه والكام وجرييي هههههه
اول ما خشينا مافي لا عائلتين
واحنا الثالثه
اخترنا الطاوله وبديت اصور
المنظر اليييييييييم
كنتت في الجلسات الداخليه لمن صورت دي الصوره
يازين جده بس
الألوان تجيب السعاده
شايفين المكان كيف فاضي ؟؟
واضح اني اخذت راحتي مره ههههه
فخااااامه
نجي للطلبات
طبعا اول واهم شي عصير بلو اوشن
لذيييييييذ ومنعش ويجيب السعاده
10/10
لازم تطلبوه أصلا هوا اهم شي
ثاني طبق ترا ما اذكر الأسماء انا اطلب بالصور
ممتاز
10/10
ديناميت شريمب امممممم عجب اهلي ... بس حسيتو عادي ومافي أي شي مميز
شريمب كان قاسي حبتين
الطيق اللي عجبنا كلنا خفيف ولذيذ واناكل بسرعه المني برقر مرره ممتاز
10/10
السمك ابدااااا ماحبيتو كنو مسلوووق ومافيه أي طعم صفر من 10
المطعم بشكل عام جميييل جدا وانا اشوفو من احلى المطاعم حاليا في جده
الجلسات رهيبه ع البحر والخدمه والاكل جيد جدا
انصح الكل يروحو والله يعينكم ع اللطعه
واجازه سعيده يارب علينا وعليكم
اشوفكم في تدوينه ثانيه ومطعم جديد
بجد المطعم جميل وتصويرك خلاه اجمل🌹
ردحذفعيونك الاجمل يا قمر
حذف